Emm spjallar 5½ mánaða

Spjalli spjalli spjall!

Sjáðu hvað ég kann!

Emma er byrjuð að ferðast um!

Emma 3 og hálfs mánaða!

Já, ég verð víst að vera betri í að muna eftir þessari síðu! Emma stækkar og stækkar og er núna orðin 68 cm og 6,14 kg. Svo hún er löng og grönn.

Hún er byrjuð að spjalla og spjalla og spjalla! Og hér kemur smá video af litlu slúðurkellingunni okkar:

Emma 3 mánaða!

Jæææææja, tími kominn að ég sinni þessari síðu aðeins?

Maginn á Emmu verður betri og betri. Hún kúkar núna sjálf í flestum tilfellum og það er næstum ekki kvartað á meðan. Þó koma dagar sem hún er verri, en þeir eru fáir!

Emma varð 3 mánaða í gær og tók ég upp lítið myndband af henni. Hún er byrjuð að spjalla og spjalla og já, spjalla!

Fleiri myndir og smá fréttir!

Emma er algjört æði! Ég gæti knúsað og kreist hana allan liðlangan daginn! Hún hefur verið svo góð í gær og dag, ekkert vesen á maganum hennar! Hún hefur sofið 5-6 tíma í einu á nóttinni og svo fengið að drekka og skipt á bleyju og þar á eftir sefur hún í 3 tíma! Við erum svo sannarlega úthvíldir foreldrar!

Við erum byrjuð að venja hana á að sofa úti í vagni og það gengur mjög vel. Í gær var hún úti í 50 mínútur. Ég þurfti þó að rétta henni snuðið nokkrum sinnum, allt fer í panik þegar hún missir snuðið. Í dag svaf hún í næstum 3 tíma! 3 tíma!!! Í byrjun var svolítið vesen, missti snuðið nokkrum sinnum og svo þufti ég að vagga henni, en hún svaf í svona 10-15 mínútur í einu. Svo skipti ég á einni bleyju og þar á eftir svaf hún í klukkutíma án þess að vakna! KLUKKUTÍMA! Ég vissi ekki hvað ég átti að gera við sjálfan mig. Mér leiddist bara.

Nokkrar myndir af sætustu stelpunni sem hlakkar til að fá heimsókn frá Íslandi:

Liggja með pabba er uppáhalds:


Óróinn fyrir ofan skiptiborðið er æði. Hann fær bros í hvert skipti! Mamma og pabbi þurfa hinsvegar að vinna fyrir brosum!


Veit ekki alveg hvaða svipur þetta er:


Það er svo gaman á skiptiborðinu:

Emma fyrirsæta!

Nokkrar myndir af uppáhalds stelpunni okkar:

Emma ostra!

Emma var að máta hatt í dag sem hún fékk frá ömmu sinni og hún líkist ostrunum úr Lísu í undralandi ekkert smá! Ég öskraði úr hlátri!

Nokkrar myndir!

Byrjuð að leika!

Emma hefur verið ótrúlega vakandi frá fæðingu og núna er hún byrjuð að finnast gaman að leika. Hún er á svona leikteppi sem er með alskonar dinglandi dýrum á og það er svo gaman að horfa á þau! Þó er hún enn of lítil til þess að liggja þar í langan tíma þar sem þetta getur orðið of mikið fyrir hana. En nokkrar mínútur hér og þar er bara sport!

Það gengur mjög vel með hana núna. Hún á þó enn erfitt með að prumpa og kúka en ég er búin að læra nokkrar aðferðir sem hjálpa henni. Við hjólum með fótunum hennar, pressum hnjánum upp að maga í nokkrar sekúndur og svo nuddum við mallan. Og hún prumpar og prumpar þegar við gerum þetta! Þannig að gráttúrarnir sem tóku nokkra klukkutíma taka núna mesta lagi klukkutíma. Bara æðislegt að geta hjálpað litla krílinu sínu!

En mér finnst þið eiga skilið nokkrar myndir.

Klemman á leikteppinu:




Ofsalega þreytt af að spjalla við mömmu sína:


Ég er byrjuð að bera hana í sjali og þar steinsefur hún. Sem er frábært þegar hún er óróleg. Hún elskar að liggja í sjalinu hjá mér og það er frábært því að hún vill helst láta halda á sér og þá er erfitt að taka til hérna heima. En í sjalinu er ég með tvær lausar hendur og get bara næstum allt!

Og já þetta er sérstakt sjal sem er gert til þess að bera börn og ég fékk leiðbeiningar með um hvernig ég ætti að binda það. Þetta er rosalega hippalegt og kósí!

Emma í sjalinu:





Emmu finnst lang best að sofa í rúminu okkar Thomasar. Ég reyni þó að láta hana sofa í vöggunni smá þar sem ég sef best þegar hún gerir það. Það er þó ómögulegt að fá hana til þess að sofa þar þegar það er bjart úti. Svo klukkan 5 á slaginu fær hún að koma upp í til okkar. Og hérna náði ég mynd af þeim Thomas að kúra:



Þangað til næst,

Elísabet og Emma

Emma 3 vikna og 3 daga!

Myndir, myndir, myndir!

Jeiiijjj fleiri myndir!



Litla sæta stelpan mín!



TÆR!



Öll í hormónabólum!



Spennandi þessi fluga sem hengur á vöggunni hennar.



Náði mynd af hnerra!

Emma 2 vikna!

Já litla skottan er orðin 2 vikna! Tíminn er bara búin að fljúga af stað!

Hún fór í pils í tilefni dagsins og mamma hennar tók nokkrar myndir:

Langt síðan!

Já ég hef nú ekki verið dugleg að setja inn myndir, hvað þá taka myndir. Við upplifðum nokkra erfiða daga en bæði gærdagurinn og dagurinn í dag hafa gengið vel.

Emma átti nokkra gráttúra sem eru líklegast vegna þess að hún er svona ný og þarmarnir ekki enn þroskaðir. Við vonum að líkaminn hennar sé búinn að venjast því að vera kominn úr maganum mínum.

Hún er alveg yndisleg og er strax komin með mömmuveikina. Thomasi gengur vel með hana en ef hún verður ofsalega leið þá virkar ekkert nema komast í mömmufang.

Við fórum með hana í langa göngu niður í bæ í gær og það gekk svo vel. Við gengum upp og niður göngugötuna og kíktum í búðir og Emma steinsvaf á meðan. Litla skott! Það var þó ansi mikið drama á leiðinni til tengdó (til þess að borða hádeigismat). Um leið og Emma settist í bílstólinn skeit hún ekkert smá svo það fór í gegnum samfelluna, sokkabuxurnar, kjólinn og svo stólinn. Ofan á allt var hún sársvöng svo leiðin til tengdó var ansi erfið fyrir litla stýrið.







Þetta eru nú ekki margar myndir en þetta er það nýlegasta. Tek fleiri á morgun... vonandi.

Myndir!

Jæja... þá er öskurapinn Emma búin að róast og ég ætla að nýta þögnina og reyna að skella inn nokkrum myndum!



Fyrsta baðið, eitthvað var þetta nú undarlegt.



:D



Að skamma foreldra sína fyrir þetta bað!



Vikugömul á maganum að æfa hálsinn.

Orðin vikugömul!

Þá varð Emma litla vikugömul. Tíminn líður ansi hratt finnst mér.

Ég reyni að setja inn myndir í kvöld en ég lofa engu þar sem Emma hefur ákveðið að halda upp á afmælið með öskrum og látum :(

Kv, Elísabet og Emma öskurapi ;)

Naflastrengurinn dottinn af

Naflastrengurinn datt af í gær. Svo núna er hún orðin stór stelpa!

Það gengur rosalega vel með litlu Emmu. Hún er róleg og auðveld... hingað til. Hún borða vel, já, hún borðar næstum því stanslaust. Held að hún eigi eftir að verða hnöttótt :)

Ætla að skella inn nokkrum myndum. Ég vildi óska að ég gæti sett inn myndir á hverjum degi en það er nóg að gera á litla heimilinu okkar :)



Emma og mamma!



Að horfa á slagsmál með pabba.



Það var ofsalega kósí



Þessi hönd er spennandi!



Og mamma líka!



Verið að skipta á sér...



Það er ekki gaman!

Hérna er svo smá myndband þar sem hún heilsar Afa, langömmu og langafa:

Verðandi fitubolla!

Þá er tími á smá fréttir héðan.

Þar sem að við fórum heim í gær lofuðum við að koma við með Emmu og láta vigta hana til þess að við myndum vera viss um að brjóstagjöfin gengur vel. Og viti menn! Litla Emmu klemman er búin að bæta á sig 50 grömmum.

Hún er alveg yndisleg og grætur sjaldan, nema mamma eða pabbi séu of lengi að skipta á henni. Hún vekur okkur oft á næturnar en er yfirleitt fljót að fá í ró aftur. Við erum ofsalega hamingjusamir, þreyttir foreldrar.

Ætla að henda inn fullt af myndum þar sem að ég veit að þið kíkið örugglega inn á síðuna mörgum sinnum á dag!



Thomas fann þennan skemmtilega sjómannakjól og ákvað að kaupa hann því honum fannst hann fyndinn!



Mig langaði í eina mynd án snuðs en það var ekkert alltof vinsælt.



Steinsofandi og sæl.



Roooopa!



Svo áhugasöm um hvað mamma sé að gera með þessa myndavél alltaf hreint.



Nærmynd af litla skons!



Fyrsti göngutúrinn!



Steinsofandi í þessu ferska lofti!



Nýbúið að skipta á henni og hún þurfti knús eftir allt það vesen.